Shirkii  Nabadaynta Beelaha walaalaha ah ee Wada daga Deeganka  Ceel Afweyn Oo Saaka Galay Dhagaysiga Garnaqa Labada Dhinac

Ceel Afweyna  (MOI)- Shirka  nabadaynta  beelaha  walaalaha ah  ee deegaanka  Ceel Afweyn  oo saaka u  furmay  si  habsami ah  ayaa  lagu  guda  galay  garnaqa labada dhinac ee Dagaalada  soo  noqnoqoday   dhex martay.

Shirkan  oo saaka u  furmay  si habsami ah  ayaa  waxaa kasoo  qayb  galay   dhamaanba  ergooyinka  nabadaynta   beelaha soomaaliland  ee iyagu   xalinta   colaadan  u  yimi deegaanka  ceel afweyn culimada udiinta  garta goyn  doonta  ee maxkamada  qaadi  doonta  iyo  ergada beelaha  loo garnaqayo  ee labada  dhinac.

Ugu  horeyn waxaa shirka  si  habsami ah  u  furay  Afayeenka  shirka  oo  halkaasi  kasoo  jeediyey  ajandaha  shirka ee saaka  kaasi  oo ahaa   in la guda galao  ka  garnaqa  labada dhinac  oo  qolo  walba  ay  garta  ugu  qayb gali  doonto  Sadex nin   intooda  kalena ay  dhagaystayaal  noqondoonaan.

Garnaqsi dheer  kadib  shir guddoonku  waxaa  waxa ay  shirka  ku  war galiyeen  in maanta   ajanduhu  ku ekaa  garnaqsiga  oo la  dhagaysanayey   shirkuna sidaa  ku  xidhan yahay ,

Shirka  ayaa saaka  si  habsami ah  u  furmay   isla markaana  soconayey  ilaa  2:00pm duhurnimo

Ugu  danbayn  shirguddoonka  shirka  nabadaynta  ceel afweyn  waxay   baaq nabadeed  u  direen  beelo  walaalo ah  oo  oo saaka  subaxnimadii hore  dagaal ku  dhex maray  deegaanka Ceeryaan   kuwaasi oo ay ugu  baaqeen  inay  nabada ilaaliyaan  oo ka  daliyaan  nabad waarta.