Shirkii Nabadaynta Ceel Afweyn  Maanta Dib  U Furmayn  Iyo Madaxweyne Ku Xigeenadii Hore Oo Kasoo Qayb Galay+ Qodobo  Adag  Oo Laga Soo  Saaray Habsami U Socodka Shirka

Ceel Afweyn (MOI)- Waxaa  saaka  dib u  furmay  shirkii nabadaynta  ee deegaanka  Ceel Afweyn kaasi oo muddo  shan  maalmooda  hakad galay  si loo soo dhamaystiro baahiyaha aasaasiga ah ka qabyada ahaa labada dhinac, shirkan ayaa waxaa kasoo   qayb  galay  Madaxweyne  ku  xigeenadii  Hore ee  Axmed  Yuusuf Yaasiin iyo Cabdiraxmaan Tolwaa   oo  shalay  soo  gaadhay deegaanka  Ceel Afweyn.

Shirka oo ay  shirgoominayeen  gudida shirgudoonka ah  ee  uu gudoomiyaha u yahay Suldaan Dhawal kaasi oo saaka  marki  uu  furmay ay    hadalo  dardaarana   kasoo  jeediyey labada  madaxweyne ku xigeen  iyaga oo  beelaha  walaalaha ah ugu  baaqay  inay  maanta qar qaataan  oo ku   qancaan   kitaabka  alle iyo  shareecada  arintana  nabada kusoo  dabaalaan cidii  u hogaansami  weydana  dhan looga soo wada jeedo.

Intaasi  kadib  waxaa  xidhiidhinta la  wareegay   shir gudoonka shir  waxaana  ay  halkaasi kaga   dalbadeen   ergada  labada dhinac iyo  xidhayaashooda  inay  inay  ka war bixiyaan  in ciidamadii la kala qaaday  isla markaana diyaar u  yihiin  inay gar qaataan  oo  garnaqsi  la bilaabo.

Ugu  horeyn waxaa mekrafoonka  qaatay  suldaan Cismaan Cali Madar  waxaana uu sheegay  in  dhanka uu  afkooda ku  hadlayey  ciidamadii kala  direen   garnaqsigana  diyaar  u  yihiin.

Intaasi  Kadib  waxaa  hadalka la wareegay Suldaanka Suldaan  Cabdillaahi Suldaan Cali Muuse   waxaana uu  sheegay  in dhanka uu  xidhaha u yahay  inay ciidamadii maleeshiyaadka ahaa  la kala  diray  garnaqsidana  ay  wax  ka dhiman yihiin.

Ugu  danbay  waxaa hadalkaasi   kusoo  noqday afhayeenka  Shir gudoonka Sheekh Ismaaciil  Sheeg  waxaana  isku  noqon iyo  shuuraysi  shir gudoonka ah  kadib sheegay  in  shir guddoonku  isla  qaatay  in  iyada oo la tix galinayo  markii labaad  Suldaan Cabdillaahi Suldaan Cali Muuse   in  dib loo  dhigo  gar naqsiga  oo  bari  la  bilaabo  garnaqsiga   labada  dhinac.

Shir gudoonku   gabagabadii  waxaa uu  madashaasi  ka  jeediyey   qodobada  habsami  u  socodka  shirka  kuwaasi oo  bari  dhaqan  gali  doona.

• Inaan Wax Mobil ah  haba yaraatee  Shirka  lala soo  gali  Karin
• In dhamaanba  warbaahin idam la’aan  shirka  gali Karin duubina Karin
• In shirku  bilaabmayo 8:30 subaxnimo   ilaa inta garnaqsigu  ka dhamaanayo kaasi  oo loogu  tago  galay maalin
• In labada dhinac garnaq si  gooda u qoondeeyaan sadex nin  oo  kaliya dhinac kasta
• In aan la  dhaarin  Karin  ergada xidhayaasha  ah
• In dhan  walba  laga  dhaarin doono  21 xubnood
•