Madaxweyne Ku Xigeenka JSl oo saaka Si Rasmiya U  Furay Shirka Nabadaynta Baalaha Walaalaha ah ee Deegaanka Degmada Ceel Afweyn.

Ceel Afweyn (MOI)- Madaxweyne ku  xigeenka   Somaliland  mudane  cabdiraxmaan  cabdillaahi    Saylici  iyo   waftidii  uu  hogaaminayey  ayaa  saaka  si  rasmiya  u   furay  shirka  nabadaynta  beelaha  walaalaha ah  ee  Degmada Ceel Afweyn,.

Shirkan  saaka ka   furmay   hoolka shirarka ee  guriga martida ee degmada ceel  afweyn  ayaa waxaa Goobjoog Ka Ahaa  Waftida Xukuumada oo uu  hogaaminayo Madaxweyne Ku Xigeenka JSL  kuna Weheliyaan Wasiirada  Arrimaha Gudaha, Ciiyaraha, diinta iyo  Afqaafta, Xanaanada Xoolaha Iyo Walluumaysiga, qoyska iyo shaqo  galinta, Wasiir ku xigeenka  Warfaafinta iyo saraakiisha  ciidamada  boliska  iyo milatariga.

Sidoo  kale waa goobta ku  sugnaa Dhamaanba Ergooyinka Beelaha Kala Duwan ee Daga Dhulweynaha Somaliland  Bari Ilaa Galbeed, Culima u  diinka, Dhinaca kale waxaa  iyaguna  shirka  kasoo qayb  galay  Labada beelood ee shaqaaqadu  dhex martay   gudidooda iyo  xidhayaashooda  oo ahaa sulaadiinta  guud ee beelaha ay  kasoo kala jeedaan.

Shirka  ayaa  waxa  furay  madaxweyne  ku  xigeenka  Somaliland  Isaga oo labada  dhinaca ee  hawshooda loo  fadhiyo  ku  booriyey  in  aanay dawladu  ku  jirin  garsoorka   oo ay  garta qaadi doonaan  Culimada iyo Ergooyinku  sidoo kalana  ay  xuumadu  masuul ka tahay  nabada iyo  xasiloonida shirka  iyo ta deegaankaba .

Dhinaca  kale waxaa halkaasi Hadalo  kasoo  jeediyey  wasiirada arrimaha gudaha , Wasiirk Ku Xigeenka Warxaafinta, Wasiirka Qoyska iyo shaqo  galinta , wasiirka  Xanaanada Xoolaha iyo Dhalinyarada

Waxaana ay  dhamaantoodba iska   daba mareen  qiimana  nabadu  leedahay iyo  inay  dabadu  ka tahay  garnaqa  labada reer  oo kaliya ay  ka  ahaan  doonaan  goob jog.

INtaasi   Kadib  Waxaa Si  Habsami  Ah  Maamulka Shirka Ula  Wareegay  Culima Udiinka  Oo ah gudida ka garnaqa  dacwada  Beelaha Walaalaha  ah ee wada dega deegaanka  Degmada Ceel Afweyn .

Waxaana ay  usoo jeediyeen  Ergooyinka   Labada  dhinac ee  loo  garnaqayo  laba  qodon  oo kala  ah:

• Inay siiyaan  kalsoonida  ergada  dhexdhexaadinta  ah  labada beelood
• Inay sameeyaan  oo balan  qaadaan  xabad joojin iyo  nabada xidh

Waxaa  halkaasi  ka  hadlay xunbo kamida  Shir guddoonka  oo ahy  kamid  yihiin xubnahan  hoos ku  qoran

• Shulaadan Dhawal
• Sheekh Maxamed Sheekh Cumar Dirir
• Sheekh Ismaaciil Dheeg
• Garaad Jaamac Garaad Ismaaciil
• Shuldaan Sayid Sh. Jaamac
• Suldaan Saleebaan Cali

Xubnahaasi  oo  dhamaantoodba si  qoto  dheer uga hadlay  saamaynta iyo  dhibaatada  ay  colaadu  leedahay  iyo diinta waxyaalaha  ay  ka  tidhi

Goordhow daawo  warkan  oo muuqaala