Wasiirka Arrimaha Gudaha Somaliland Iyo Gudidii Nabadgalyada Ee Golaha Guurtida Somaliland Oo Maanta Soo Afjaray Heshiisiinta Beelaha Walaalaha Ah Ee Deegaanka Ceel Afweyn + Go’aamo Laga Soo Saaray

10 March, 2018

997

Ceel Afweyn(MOI)- Waftidii wasiirka Arrimaha Gudaha Somaliland iyo Gudidii Nagabadayta Golaha Guurtida Ee Arrimaha Nabadaynta u Joogay Deegaanka Ceel Afweyn ayaa Maanta Soo af Jaray Nabadaynta Labada Beelood ee Walaalaha ah ee deegaamada hoos yimaada Degmada Ceel Afweyn.

Munaasubada lagusoo afjarayey nabadaynta ayaa ka dhacday hoolka shirarka ee guriga martida ee Degmada Ceel Afweyn , waxaana munaasiba kasoo Gayb galay Badhasaabka Gobolka Sanaag, Gudida Nabadaynta Ee Golaha Guurtida, Xildhibaano Ka Tirsan Golaha Wakiilada , Gudiyada labada beelood ee dhawaan dirirtu dhex martay, Gudida xidhayaasha labada dhinac, culimada iyo waliba marti sharaf kale.

Munaasibadan ayaa waxaa hadalo guubaabo iyo waano ah ka jeediyey sulaadiinta iyo Jiif caaqilada labada iyo boqor buur madaw oo u kala hadlay labada reer halkaha dhinaca kuxuumadana ay goobtaasi ka hadleen Badhaasba Gobolka sanaag iyo Wasiirka Arrimaha gudaha MAxamed Kaahin Axmed oo Shirkaasi soo Xidhay.

Waxaana halkaasi Gudida Golaha guurtidu kasoo Jeediyeen Qodobada lagu xidhayo Nabadaynta labada beelood ee walaalaha ah kuwaasi oo u dhignaa sidan hoos ku xusan.

GUDIDU GO,AAMISAY

IN CID KASATA OO GOYSA NAF BIL- AADAN SI BADHEEDH AH KUNA CADAATO WAA LOO DILAYAA SIDA KU XUSANHESHIISKA BEELAHA IYO SHAREECADA ISLAAMKA

WAXAA REEBAN IN GACAN KU DHIIGLAHA GAYSTAY FALKA DILKA AH LAGU GACAN SIIYO LALANA SAFTO,LA FAKIYO CID KASTA OO AY KU CADAATO WAXAA LA HORGAY NAYAA SHARCIGA

WAXAA WAAJIB AH IN CIDAA WAX GAYSATA EHELKIISA IYO CUQAASHIISU IN AY KUSOO QABTAAN GACAN KU DHIIG LAHA MUDO[ TODOBA CISHO GUDAHOOD AH}

WAXAANA LOO QABANAYAA CUQAASHA ,ODAYAASHA , IYO EHELKIISA

QOF KASTA OO KUCA FALAL WAXYEELI KARA NABAD GELYADA IYO XASILOONIDA DEGAANADA AY WADA YAALAAN LABADA BEELOOD EE BAHO IYO EDARAYS KUNA CADAATO WAXAA WAAJIB AH IN CIIDANKA NABAD GELYADU GACANTA KU DHIGAAN SI LOO HOR GEEYO SHARCIGA

NABAD GELYADA

DAWLADA AYAA KA MASUULA GUUD AHAAN NABAD GELYADA IYO AMAANKA SHACABKA JSL,GAAR AHAAN DEGAAMADA GO,AANKANI SIDA TOOSKAA U SAAMAYNAYO EE DEGMOOYINKA CEEL- AFWAYN ,DARAR WAYNE,GAR-ADAG,IYO BOHOL

WAXAA REEBAN SIDASHADA HUBKA SHARCI DARADA AH MID SHAKHSI,MID KOOXEED,IYO CIIDAN BEELEED HUBAYSAN

GOOB KASTA OO LAGU ARKO CIIDAN BEELEED HUBAYSAN WAXAA LOO AQOON SANAYAA DUULAAN WAXAANA LAGA QAADAYAA TALAABO CIIDAN OO HUBKA LAGAGA DHIGO WAXAANA MASUUL KA NOQON DOONA DHAMAAN KHASAARA KA YIMAAD BEESHII CIIDANKAA URURISAY

WAXAA MAMNUUC AH IN WADAR ,AMA SHAKHSI HUBAYSANI LASOO GALO MAGAALO ,TUULO,CEEL,IYO MEEL KASTA OO BULSHO ISUGU TIMAADO ; WAXAANA TALAABO KAQAADAYA CIIDAMADA

GAADIIDKA AY KU CADAATO IN LOO ISTIC MAALAYO ABAABUL DAGAAL,AMA GURMAD CIIDAN,QAADIS TAAKULO RAASHIN,SAANAD DAGAAL,SHIDAAL,I.W.M WAXAA LA WAREEGAYA DAWLADA JSL

GABI AHAABA WAXAA REEBAN HAYSASHADA NOOCYADA HUBKA CULUS EE UU UGU YAR YAHAY QORIGA BKM CIDII LAGU ARKO HUYBKA NOOCAAS AH,WAXAA LOO AQOON SANAYAA DANBIILE KHALKHAL GALINAYA NABAD GELYADA QARANKA WAXAANAY CIIDANKA NABAD GELYADU KA QAADAYAAN TALAABADA KU HABOON

DEGAANKA IYO DAAQA

SIDA KUCAD GO,AAMADII XUKUMADA EE KU TAARIIKHAYSNAA 21/09/2016 IYO HESHIISYADII BEELAHA KUNA CADEEYEEN IN AY U HOGAAN SAMAYAAN , WAXAA REEBAN IN DEGAAMADAA DHUL DAAQSIMEEDKA LAGA YAGLEELO MAGAALOOYIN,XIDHMOOYIN,TUULOOYIN,CESHIIMOOYIN,BARAAGO,IWM

DAGAALKII KADHACAY DEGMADA DARAR-WAYNE TARIIKHDU MAARKAY AHAYD 21/1/2018 EE SABABAY DHIMASHADA IYO DHAAWACA

WAXAA LAGA GO,AAMIYAY

IN SHAN IYO TOBANKA QOF EE KU DHINTAY DARAR WAYNE LAGU KALA LEEYAHAY

SIDEEDA NIN EE KA DHINTAY BAHO WAXAA LAGU LEYAHAY BEESHA ADERAYS

TODOBADANIN EE KA DHINTAY ADERAYS WAXAA LAGU LEEYAHAY BAHO

MAG BIXINTA WAXAA LOO RAACAYAA GO,AANKII HORE EE AY KU HESHIIYEEN LABADA BEELOOD EE EDARAYS IYO BAHO KUNA TAARIIKHAYSNAA 02/09/2017

AASKA SHAN IYO TOBONKII NIN EE KU DHINTAY DARAR-WAYNE WAXAA LAGA BIXINAYAA NINKIIBA KUN DOLAR OO LAGU BIXINAYO 11/3/2018 AXADA

JIFIDA OO DHAN SADEX IYO SODON HALAAD NINKIIBA LAGUNA BIXINAYO MUDO LABA BILOOD AH OO KABILAABANTA11/3/2018 KUNA EEG 11/5/2018

MAGTA INTA KALE EE HADHSAN WAXAA LAGU BIXINAYAA [LABA IYOTOBAN BILOOD KADIB ]OO KABILAAB MAYSA 11/5/2018 KUNA EEG 11/5/2019

BOONKA LA JABIYAY OO AY JABIYEEN BAHO WAXAA ISNA LABIXIN DOONAA 11/3/2018 OO AXAD AH

DHAAWACA

WAXAA LOO QABTAY DHAMAAN DADKII KU DHAAWAC DHACDADII DARAR-WAYNE 21/1/2018 IN MARKA AY GAADHO IN AY XAQMAAN IN LAGU XAQO SHAREECADA ISLAAMKA KUNA MUDAYSAN MUDO LIX BILOOD GUDA HOOD AH

DHAMAAN DHAAWACYADII SHAQAAQOOYINKII HORE WAX YEELADU KASOO GAADHAY WAA IN GUDIYADA LABADA BEELOOD EE HESHIISKAN IYO KUWII HORE SEXEEXAY WAA IN AY DHAMAYS TIRAAN BIXIYAANA XUQUUQDA DADKAASI ,WARBIXIN JOOGTA AHNA KASIIYAAN GUDOOMIYA GOBOLKA SANAAG

GO,AANKA BOON XIDHISTA

ANAGOO TIX GALIN IYO QADARINBA SIINAYNA GO ,AANKII BOON XIDHISTA KAAS OO AY KU SEXEEXAN YIHIIN SALAADIINTA, BOQORADA,IYO CUQAASHA LABADA BEELOOD EE BAHO IYO ADERAYS OO AY KU HESHIIYEEN IN LA KORDHIYO LANA CUSLEEYO BOON JABISTA SI XAKAME UGU NOQOTO NABAD GELYADA KAAS OO KU CAD HESHIISKA LABADA BEELOOD EE GO,AANKAN KU CAD HORE KUNA TAARIIKHAYSAN 8/3/2018

DEGAANKA, DEGAAMAYNTA, IYO DHUL DAAQEENKA

WAXAA SIDISII LOOGU DHAQ MAYAA GO,AAMADII XUKUMADU KASOO SAARTAY DHUL DAAQSIMEEDKA, DEGAANKA IYO DEGAAMAYNTA KUNA TAARIIKHAYSAN 5/9/2016 GO,AANKAASI OO DHAMAAN HESHIISYADII BEELAHUNA KU CADEEYEEN IN AY U HOGAAN SAMAYAAN

XUKUMADA

CID KASTA OO MASUUL QARAN AH HEER QARAN,HEER GOBOL,HEER DEGMO,HEER TUULO IYO CIIDAMADA QARANKA NOOCYDIISA KALA DUWAN EE AY KU CADAATO IN AY QAYBKA YIHIIN HURINTA COLAADAHA AMA AY KA MUUQATO XIL GUDASHO LA,AAN IYO MASUULIYAD DARO WUXUU MUTAY SANAYAA TALAABO SHARCIGA WAAFAQ SAN

FULINTA IYO DABA GALKA; GO,AAMADAA WAXAA U XIL SAARAN

BOQORKA,IYO SULDAANKA IYO GUDIYADII LA DHAARIYAY EE WADA XAAJOODKA UGA QAYB GALAY

MAAMULKA GOBOLKA SANAAG

WAXAANA KU DABA JOOGAYA FULINTA GO,AAMADAN GOLAHA GUURTIDA IYO XUKUMADA JSL

FG:

GO,AANKAN WAXAA KULI FAAQAN DHAMAAN GO,AAMADII IYO HESHIIS YADII LAGA GAADHAY DHAMAAN DHACDOOYINKII DARAR-WAYNE IYO CEEL AF-WAYN;

DHAMAAN MAGWAYNTII HORE IYO DHAWACYADII WAA IN AADKU DHAMAYSAAN KAHOR MUDADA MAG WAYNTAN DANBE

ALLAA MAHAD LEH

MAGACYADA GUDDIDA GOLAHA GUURTIDA EE NABADAYNA EE C/AFWAYN

XIL.SICIID C/LAAHI YASIR ———————————————————-

XIL.DIINI C/LAAHI HANDE———————————————————-

XIL.MAX,ED SHIRE FAARAX———————————————————