Waftidii Wasiirka Iyo Gudidii Nabadgalyada Ee Golaha Guurtida  Oo  Manta Guda Galay  Wajigii Labaad Ee  Dhexdhexaadin  Labada Beelood Ee Ceel Afweyn + Soo Xidhida Nabada Iyo  Dhaarinta Oo Sabtida Loo Balamay

Ceel Afweyn (MOI)- Waftidii wasiirka arrimaha gudaha Somaliland  iyo  gudidii  golaha  guurtida Somaliland ee  arrimaha  nabadaynta u joogay  degmada Ceel Afweyn ayaa  manta  guda galay wajigii  labaad  ee dhexdhaxaadinta  labada beelood ee walaalaha ah  .

Kulankan oo  aya  manta kasoo qayb  galeen  Maagirka  Ceerigaabo  ISmaaciil Xaaji nuu , Badhasaabka Gobolka Sanaag  Maxamed Cismaan Caalin Tiinbaro,  Guddida  Nabadayta ee Golaha Guurtida , Cuqaashada iyo  waxgaradka labada reer ee colaadu  dhex martay , Culimada Gobolka, Gudida ololaha Nabadgalyada ee Haween Weh=ynaha Golbolka , ururrada Dhalin Yarada , gudoomiyaha Xeer ilaaliyayaasha Maxkamada degmada Ceel Afweyn , Saraakiisha Ciidamada Boliska Iyo Qaranka .

Kulankan oo  ku  bilaabmay   jawi  degan  ayaa  lagu  lafa guray   xurgufta  labada reer  dhextaal waxaana  halkaasi  ka  hadlay  Badhasaabka Gobolka Sanaag , Guddoomiyaha Gudida Golaha Guurtida, Haweenka, dhalinyarada iyo  xubno u kala  hadlay  labada dhinac iyo  boqor buur  madaw waxaana  dhamaantoodba  iska  daba mareen in  nabadu   lagama  maarmaan tahay una  baahanyihiin  heshiis iyo nabad.

Ugu  danbayntiina waxaa  halkaasi  ka  hadlay  wasiirka  arrimaha gudaha  oo  sheegay in wali  dan  laga  leeyahay  nabada  beelaha walaalaha ah isla  markaana manta ay  cid  waliba  joogto   hadii ay  hore uga gaabiyeen  reeraha  kale ee la dagana ay  baantaba  golaha  fadhiyaan.

Waxaana  shirku  kusoo dhamaaday  guul  iyo  maalinta  sabtida oo loo  balamay  in  nabada lasoo  xidho  dhan  walbana  laga  dhaariye  markii  4aad  21 xubnood  isla markaana  la  keeno dadkii dadku ka dhinteen , iyo  qolo walba  xidhaheedii.