- News Taliska Guud ee Ciiddanka Qaranka Qaranka Somaliland oo Faahfaahin Ka Bixiyey Kooxaha Huwanta iyo Argagixisadda ee Laascaanood oo Deegaano Degm. Qori-Lugud ka Tirsan Soo Weeraray iyo Jawaabo Cashar oo La Siiyey
- Department Of Media Hargeysa: kooxaha Huwanta iyo argagixisada bari Magaalada Laascaanood ayaa weerar ku soo qaaday dadka shacabka ah ee degaanka Qorilugud
- News Wasiirka Arimaha Guddaha Jsl oo Xafiiskiisa ku Qabtay Kulan ay Laamaha Amaanka ee Dalku iskugu yimaadeen oo lagaga hadlaayey Amniga Xudduudaha
- News Wasiirka A. Guddaha Jsl oo Kulan Xafiiskiisa kula yeeshay Wefti ka Socda Dalka Maraykanka oo Safar ku Yimid Hargeysa
Madaxweynaha Somaliland iyo Safiirka Midawga Yurub U Qaabilsan Somaliland iyo Soomaaliya Oo Kulan Wada Yeeshay Maanta
Hargeysa(MOI)- Madaxweynaha Jamhuuriyadda Somaliland, Mudane Muuse Biixi Cabdi Oo Maanta oo jimce ah taariikhduna ay tahay 19/01/2018 la kulan la qaatay safiirka midawga yurub, u qaabilsan Somaliland iyo Soomaaliya Amb. Veronique Lorenzo, oo dalka ku sugan, waxaana kulankaasi lagaga wada hadlay sidii loo xoojin lahaa loona dardar gelin lahaa xidhiidhka wada shaqayneed ee midawga yuurb iyo Somaliland.
Waxa kale oo ay ka wada hadleen madaxweynaha iyo safiirku sidii laysaga kaashan lahaa, loona adkayn lahaa wada shaqaynta amniga iyo arrimaha budhcad badeeda, midawga yurubna ay sii wadan taageerada ay Somaliland, awalba ka siin jirtay arrimaha la xidhiidha, maalgashiga, qorshaha mashaariicda horumarineed ee dalka lagu horumarinayo iyo inay xooga saaraan, mashruuca weyn ee lagu dhisayo waddada u dhaxaysa Berbera iyo Wajaale loona yaqaan (Berbera Corridor), waxa kale oo kulankaasi lagu soo qaaday sidii dib loogu bilaabi lahaa wada hadaladii u dhexeeyey Somaliland iyo Soomaaliya.
Waxaanu kulankaasi ku soo dhamaaday is afgarad iyo in sare loo qaado xidhiidhka labada dhinac ee Somaliland iyo Midawga yurub, sidoo kalena ay Somaliland ka taageeran dhinacyada maalgashiga, qorshaha horumarineed iyo tayeynta waxbarashada gaar ahaan farsamada gacanta.
